Ukraina Prezidenti Vladimir Zelenskiy Kiyev viloyatida Rossiyaning zarbasi natijasida ikki kishi, ulardan biri Ozarbayjon fuqarosi halok bo‘lganini aytdi.
Zelenskiy bu haqda ijtimoiy tarmoq sahifasida yozdi.
Uning so‘zlariga ko‘ra, Xarkovda ko‘p qavatli turar-joy binosiga zarba berilgan, ikkinchi va to‘rtinchi qavatlar qisman vayron bo‘lgan.
"Hujumlar Sumi, Rovno, Xarkov va Odessa viloyatlaridagi turar-joy binolariga qaratilgan edi. Vinnisa, Dnepr, Xmelniskiy va Zaporojye viloyatlarida muhim infratuzilmaga hujum qilingan", deb ta’kidladi u.
Uning qo‘shimcha qilishicha, Kiyev ham dron hujumlaridan zarar ko‘rgan.
"Kiyev ham dron hujumlaridan jabr ko‘rgan - turar-joy binolari, aloqa infratuzilmasi va yoqilg‘i quyish shoxobchalari. Dronlar oddiy kafeni vayron qilgan va poytaxtdagi oziq-ovqat bozorini yoqib yuborishga uringan", deb yozgan u.
Zelenskiyning so‘zlariga ko‘ra, Odessa viloyatida Palau bayrog‘i ostidagi kemaga zarba berilgan. Jitomir viloyatida standart muzqaymoq fabrikasi zarar ko‘rgan.
“Hozirda o‘nlab jarohatlanganlar haqida xabarlar bor. Faqat Xarkovga qilingan hujumda 28 kishi, jumladan, to‘qqiz bola jarohat oldi. Afsuski, o‘lim holatlari ham bor. Kiyev viloyatida ikki kishi halok bo‘ldi, ulardan biri Ozarbayjon fuqarosi”, deb yozgan Zelenskiy.
10 yildan beri qidiruvda bo‘lgan o‘zbekistonlik ISHIDchi, «Choyxona» rahbari AQShga ekstradisiya qilindi
Netanyaxu nutqi paytida zalni tark etgan davlatlar ro‘yxati
Ra’no Shodiyeva uchun og‘ir judolik
