Zelenskiy: "Rossiya Yaqin Sharqdagi urushdan iqtisodiy foyda ko‘rmoqda"

Ukraina prezidenti Vladimir Zelenskiy Associated Press nashriga bergan intervyusida Kiyev uchun asosiy maqsad Moskva iqtisodiyotini zaiflashtirish va urushni o‘ta qimmatga tushadigan darajaga yetkazish ekanini bildirdi.

Zelenskiyning ta’kidlashicha, Eron tomonidan Ho‘rmuz bo‘g‘ozining yopilishi oqibatida neft narxining keskin oshishi Kremlning neftdan oladigan daromadlarini ko‘paytirib, Moskvaning harbiy harakatlarni qo‘llab-quvvatlash imkoniyatlarini mustahkamlamoqda va bu strategiyani barbod qilmoqda.