Zelenskiy: "Keyingi uch tomonlama muzokaralar AQShda bo‘lib o‘tishi mumkin"

Kiyev, Moskva va Vashington o‘rtasidagi muzokaralar yaqin kelajakda Qo‘shma Shtatlarda davom etishi mumkin.

Ukraina yetakchisi Vladimir Zelenskiy bu haqda o‘zining Telegram-kanalida yozdi.

"Bugun men BAAda - ham Amerika, ham Rossiya tomonlari bilan ikki kunlik uchrashuvlar va muzokaralardan so‘ng muzokara guruhimizdan hisobot oldim. Men jamoaning to‘liq shaxsan hisobot berish uchun Kiyevga kelishini kutmoqdaman, chunki ko‘p jihatlarni telefon orqali to‘g‘ri muhokama qilishning iloji yo‘q. Hozirdanoq aytish mumkinki, yaqin kelajakda, ehtimol Qo‘shma Shtatlarda keyingi uchrashuvlar rejalashtirilgan", dedi u.

Zelenskiyning so‘zlariga ko‘ra, Ukraina Rossiya-Ukraina urushiga samarali ravishda chek qo‘yishi va ishonchli va uzoq muddatli tinchlik o‘rnatishga olib kelishi mumkin bo‘lgan har qanday muzokara formatiga tayyor.

"Bu urush Rossiyani tajovuzkorligini davom ettirmaslikka undaydigan tarzda tugashi juda muhim", deb xulosa qildi u.