Ukraina prezidentining so‘zlariga ko‘ra, Gruziya hukumati mamlakatni Rossiyaga qaramlik tomon itarmoqda va o‘z xalqiga qarshi chiqmoqda.
"Moskvada Gruziya hukumatining maqtalayotgani ular hozir Tbilisida kim uchun ishlayotgani va namoyishlarni kim uchun tarqatishayotganini aniq ko‘rsatib turibdi. Bu, albatta, Gruziya manfaatlari uchun emas", — dedi Volodimir Zelenskiy Telegram'dagi murojaatida.
Bundan tashqari, Ukraina prezidenti Kiyev allaqachon Gruziyada yuz berayotgan voqealarga javoban huquqiy choralar sifatida sanksiyalar ishlab chiqayotganini ta’kidladi.
