Ukraina prezidenti, shuningdek, Germaniya kansleri Olaf Sholsga Berlin tomonidan Kiyevga ko‘rsatilayotgan yordam uchun minnatdorchilik bildirdi.
"Germaniya tomonidan yetkazib berilgan Gepard, IRIS-T va Patriot havo hujumidan mudofaa tizimlari minglab odamlarning hayotini rus terroridan saqlab qolishga yordam berdi", — deya ta’kidladi Vladimir Zelenskiy Berlinda Olaf Shols bilan uchrashuvda.
Shu bilan birga, Ukraina rahbari Berlinni kelgusi yilda Kiyevni qo‘llab-quvvatlash darajasini pasaytirmaslikka chaqirdi. Zelenskiy, shuningdek, urush “2025 yildan kechikmasdan” yakunlanishiga umid bildirdi va Germaniya kansleriga o‘zining “g‘alaba rejasini” taqdim etishga va’da berdi.
O‘z navbatida, Shols Kiyevni qo‘llab-quvvatlashni susaytirmaslik va Putin tomonidan qo‘yilgan shartlar qabul qilinmasligiga va’da berdi.