“Yuventus” klubi “Real” hujumchisi Krishtianu Ronalduni sotib olish uchun o‘zining uchta futbolchisini sotishga majbur. Chunki moliyaviy feyr-pley qoidalari shuni talab qiladi.
Ayni damda Turin klubi hamda “Real” rahbariyati o‘rtasida Ronaldu bo‘yicha muzokaralarning so‘nggi bosqichi bo‘lib o‘tmoqda. Portugaliyalik yulduz deyarli “Yuventus” futbolchisiga aylanib bo‘ldi.
“El Transistor” ma’lumotiga ko‘ra, “Yuventus” rahbariyati allaqachon sotiladigan uchta futbolchisini aniqlab bo‘lgan. Unga ko‘ra, himoyachilar Daniel Rugani hamda Aleks Sandro, shuningdek, hujumchi Gonsalo Iguain jamoani tark etadi. Rugani hamda Iguain faoliyatini “Chelsi”da davom ettirishi mumkin. Sandroga esa “MYu” qiziqmoqda.
