Nima deb o‘ylaysiz, yoz bizga ozish uchun qulay pallami yoki semirish? Bu haqida shifokorlarning aniq fikrlari mavjud.
Yozda vazn yo‘qotish sabablari:
- ochiq havoda ko‘proq vaqt o‘tkazamiz, sport bilan shug‘ullanamiz, piyoda yuramiz, bu esa kaloriya sarfini oshiradi.
- issiq mavsumda metabolizm tezlashadi va organizmni ortiqcha yog‘lardan xalos qiladi.
- yangi meva va sabzavotlar serob, ular ovqat hazmiga yordam beradi, to‘qlik hissini berishi jihatidan kaloriyali ovqatlarga o‘rin qoldirmaydi.
- tana terlash orqali ortiqcha suvni yo‘qotadi, bu vazn kamayishiga sabab bo‘lishi mumkin.
Endi nima uchun yozda vazn yig‘ishni ko‘rib chiqamiz:
- yaxna gazli ichimliklar, shirin sharbatlar, muzqaymoq kup iste’mol qilinadi, ular esa o‘ta kaloriyalidir.
- dam olish va sayohat payti ko‘pincha ovqatlanish tartibini chetlab o‘tish oson.
- ayrimlar issiqqa betoqatlikdan o‘zlarini soya-salqinga uradilar va kamharakat bo‘lib qoladilar.
- havodagi karbonat angidridning ko‘payishi metabolizmning buzilishiga va kilogramm ortishiga olib kelishi mumkin.
