Yaponiyaning yangi bosh vaziri parlament quyi palatasini tarqatib yubordi

Yaponiyaning yangi bosh vaziri Sigeru Isiba parlament quyi palatasini tarqatib yubordi. Muddatidan oldin saylovlar 27-oktabr kuni bo‘lib o‘tadi.

Bu haqda "Kiodo Susin" agentligi xabar berdi.

Palatani tarqatib yuborish hukumat rahbarining konstitusiyaviy huquqidir. U lavozimga kirishganidan sakkiz kun o‘tgach, undan foydalangan. Agentlik qayd etishicha, urushdan keyingi Yaponiyada parlament hech qachon bu qadar tez tarqatilmagan.

Parlament muxolifati yetakchilari bilan uchrashuvda Isiba bu qarorini saylovchilarning bevosita bahosini olish istagi bilan izohladi. Muxolifat uni hukmron Liberal-demokratik partiya bilan bog‘liq noto‘g‘ri sarflangan janjaldan e’tiborni chalg‘itmoqchi bo‘lganlikda aybladi, bu esa avvalgi bosh vazirning iste’foga chiqishiga sabab bo‘ldi.

Tratib yuborilgan parlamentda partiya 465 o‘rindan 256 tasini nazorat qiladi. Yana 32 o‘rin uning hukmron koalisiyadagi ittifoqchisi, o‘ng markazchi «Toza siyosat» partiyasiga (Komeito) tegishli.