Yaponiyalik olimlar dengizda eriydigan plastik ishlab chiqishdi

Bu yutuq zamonamizning eng dolzarb muammolaridan biri – okeanlarning ifloslanishini yengishda muhim qadam bo‘lishi mumkin.

Yangi materialni yaratish ustida RIKEN yangi moddalar markazi va Tokio universiteti tadqiqotchilari ish olib borishdi. Ularning ta’kidlashicha, bu plastik nafaqat biologik eruvchan, balki o‘zining xossalari bo‘yicha ham noyobdir: u oddiy neft plastigi kabi bardoshli, lekin ancha tezroq parchalanadi va hech qanday iz qoldirmaydi.

Loyiha rahbari Takudzo Aydaning aytishicha, yangi material neft mahsulotlari asosida ishlangan plastik kabi bardoshli. Shu bilan birga, u tuz ta’sirida asl tarkibiy qismlarga parchalanadi. Keyinchalik atrof-muhitdagi bakteriyalar ularni qayta ishlashga qodir bo‘ladi, bu esa suvdagi hayotga zarar yetkazadigan mikroplastiklar paydo bo‘lishining oldini olishga yordam beradi.

Tuproqda tuz ham mavjud bo‘lganligi sababli, material quruqlikda parchalanishi mumkin – bu ko‘proq vaqt talab qiladi, 5 santimetrli plastik qismi uchun taxminan 200 soat.

Yana bir afzalligi shundaki, yangi plastik yonmaydi, zaharli emas va parchalanish vaqtida karbonat angidridni chiqarmaydi, deb xabar beradi korrespondent.net.