Yaponiya bosh vaziri tezroq Janubiy Koreyaning yangi prezidenti bilan uchrashmoqchi

Yaponiya bosh vaziri Sigeru Isiba Janubiy Koreyaning yangi prezidenti Li Chje Myon bilan imkon qadar tezroq uchrashishni istashini aytdi.

Yaponiya bosh vaziri hamkorlik, jumladan, AQSh ishtirokidagi uch tomonlama formatdagi hamkorlik muhimligini ta’kidladi.

"Tezroq sammit yig‘ilishini o‘tkazish yaxshi bo‘lardi", — dedi u jurnalistlarga va Janubiy Koreyaning yangi prezidenti o‘z vazifasini endigina boshlagani va hali ma’muriyatni shakllantirmagani bois, vaqt borasida hozircha aniq muhokamalar yo‘qligini ta’kidladi.

Isiba, shuningdek, "Janubiy Koreyada qaysi ma’muriyat hokimiyatda bo‘lishidan qat’i nazar, mekik diplomatiyasi muhimligini" ta’kidladi. Yaponiya bosh vazirining so‘zlariga ko‘ra, Yaponiya ham, Janubiy Koreya ham AQShning ittifoqchilari va “bu borada ularning diplomatik va xavfsizlik siyosati o‘xshash". "Men Yaponiya va Janubiy Koreya, shuningdek, Yaponiya, AQSh va Janubiy Koreya o‘rtasidagi hamkorlikni faollashtirishni istardim”, — deya qo‘shimcha qildi u.

3 iyun kuni Janubiy Koreyada bo‘lib o‘tgan prezidentlik saylovlarida Toburo demokratik partiyasidan nomzod Li Chje Myon g‘alaba qozondi. Uning vakolatlari 4 iyun kuni boshlanadi.