Yangi tinchlik rejasi 2026 yilda Ukrainaning Yevroittifoqqa kirishini nazarda tutadimi?

Bu haqda FT nashri xabar bermoqda.

Nashrga ko‘ra, Kiyev Vashingtonga yuborgan va Bryussel tomonidan qo‘llab-quvvatlangan “tinchlik rejasi”ning yangi tahririda Ukraina 2027 yil 1 yanvargacha Yevroittifoqqa qabul qilinishi kerakligi haqidagi band bor.

Financial Times'ning qayd etishicha, Bryusselning bu qarori nafaqat Kiyevga “yashil chiroq” yoqadi, balki umuman olganda Yevroittifoqqa yangi davlatlarni qabul qilishga doir yondashuvlarni qayta ko‘rib chiqishga majbur qiladi.

"Agar AQSh ushbu tashabbusni qo‘llab-quvvatlasa, Donald Tramp Vengriya bosh vaziri Viktor Orbanni Ukrainaning Yevroittifoqqa kirishini bloklashni to‘xtatishga ko‘ndirishi mumkin", deya yozmoqda nashr.