O‘zbekiston milliy jamoasi va Eronning "Persepolis" klubi vingeri Oston Urunov "Yuventus" klubiga o‘tishi mumkin. Bu haqda Eronning Fotballi.net portali xabar berdi.
Manbaga ko‘ra, Turinning "Yuventus" klubi sport direktori (Marko Ottolini) O‘runov haqida terma jamoamiz bosh murabbiyi Fabio Kannavaro bilan gaplashgan.
Eslatib o‘tamiz, 24 yoshli vingerimiz Misrga qarshi o‘yinda dubl qayd etib, o‘yinning eng faol futbolchisi bo‘lgan edi.
Transfermarkt uni hozirda 2 million yevroga baholamoqda. Uning tehronliklar bilan shartnomasi 2027 yilning yozigacha mo‘ljallangan.
