Xududlarda qalbaki aksiz markali alkogol va tamaki mahsulotlarining savdosi fosh etildi

Bosh prokuratura huzuridagi Departamentning Xo‘jaobod, Qo‘shko‘pir tumani bo‘limlari va soliq inspeksiyasi xodimlari hamkorligida o‘tkazilgan tezkor tadbirlarda fuqaro M.M.ning xonadoni va “U.S.” xususiy korxonasining savdo do‘konlarida qalbaki aksiz markali 51 turdagi 686 dona alkogol va 17 turdagi 188 quti tamaki mahsulotlari sotuvga qo‘yilganligi aniqlanib, ushbu mahsulotlar ashyoviy dalil sifatida olingan.

Mazkur holatlar yuzasidan Jinoyat kodeksining 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) va 186-moddasi (xavfsizlik talablariga javob bermaydigan tovarlarni o‘tkazish maqsadini ko‘zlab ishlab chiqarish, saqlash, tashish yoxud o‘tkazish, ishlar bajarish yoki xizmatlar ko‘rsatish) bilan jinoyat ishlari qo‘zg‘atilib, tergov harakatlari o‘tkazilmoqda.