1 yanvardan e’tiboran, O‘zbekistonda xorijiy tillardan milliy va xalqaro sertifikatga ega davlat boshqaruv idoralarining barcha bo‘g‘inlari xodimlariga qo‘shimcha ustama to‘lash to‘xtatildi.

Bu – 2025 yilgi davlat byudjeti to‘g‘risidagi qonun ijrosini ta’minlashga oid prezident qarorida ko‘zda tutilgan.

Xorijiy tilni biladigan davlat xizmatchilariga ustama to‘lash 2022 yil 1 yanvardan boshlangan edi va oradan 2 yil o‘tib, bu tartib bekor qilindi.

Ustama miqdori xodimning lavozim maoshiga nisbatan 20 foizgacha deb belgilangan edi.