Saudiya Arabistonida kuchli yomg‘irlar tufayli bir necha shaharlarda suv toshqinlari yuz berdi. Jumladan, mamlakatning iqtisodiy poytaxti deb atalgan Jidda shahrida yomg‘irlar tufayli ko‘chalarni suv bosdi, shuningdek, shaharlar orasidagi yo‘llar buzildi. To‘fon Makka va Madinaga ham zarar yetkazdi, deb yozdi Saudi Gazette.
Khaleej Times tomonidan e’lon qilingan videolarda Makkadagi ziyoratchilar kuchli jala ostida qolgani ko‘rinadi.
Meteorologlar mamlakatning ayrim hududlarida chorshanbagacha kuchli yomg‘irlar davom etishi haqida ogohlantirmoqda.
Mamlakat meteorologiya boshqarmasi Makka, Madina va Jidda shaharlari uchun xavfdan ogohlantirishning eng yuqori darajasini e’lon qilgan.
Saudiya Arabistonida qishda yog‘ingarchilik juda kam uchraydi. Avvalroq mamlakatda kuchli yomg‘ir 2024 yil aprel oyida bo‘lgan, shunda Ummon va BAA ham yomon ob-havodan jabrlangan edi.
Jahon IQ reytingi: eng aqlli insonlar qaysi davlatlarda yashaydi? O‘zbekiston nechanchi o‘rinda?
Alisher Qodirov Qonunga qarshi ovoz bergan hamkasblariga murojaat qildi: “Iste’molchining 3 tadan 2 tasi yoshlar. Yarmi qizlar”
Yana bir yirik davlat BRIKS a’zosiga aylandi
