«Xizbulloh» rahbari Naym Qosim Isroil qo‘shinlarini Janubiy Livan hududidan chiqarish muddatini uzaytirish imkoniyatini qat’iyan rad etdi. Ushbu bayonot Isroil o‘zining belgilangan 60 kunlik muddatidan ko‘proq vaqt qolishga qaror qilganidan so‘ng aytildi.
«Isroil qo‘shinlarini olib chiqish uchun belgilangan muddatdan keyin nima bo‘ladi? Isroil ketishi kerak, chunki 60 kun muddati tugadi. Biz hech qanday kechikishni, bir daqiqaga bo‘lsa ham, qabul qilmaymiz», - dedi Qosim televideniye orqali qilgan murojaatida.
Qosimning ma’lumotlariga ko‘ra, AQSh dastlab Livan hukumatiga kelishuvni 28 fevralgacha uzaytirishni taklif qilgan, ammo rad javobi olgan. Natijada, vaqtincha Livan Bosh vaziri Najib Mikati faqat 18 fevralgacha sulhni uzaytirishga rozi bo‘ldi.
💬 «Livanda hech kim Isroil qo‘shinlarining bir daqiqaga bo‘lsa ham qolishini qabul qilmaydi. Isroil ketishi kerak», - dedi Qosim, qo‘shimcha qilib, «qo‘shinlarning kechikishidan kelib chiqadigan har qanday oqibat uchun BMT, AQSH, Fransiya va Isroil mas’ul bo‘ladi» deb ta’kidladi.
Ozarbayjon samolyotiga kim o‘q uzgani aniqlandi
Bu hafta qor yog‘ishi kutilmoqda
Rasman: O‘zbekistanda 1 apreldan elektr energiyasi narxlari oshadi
