Xitoyning robototexnika ishlab chiqaruvchisi UBTECH Robotics Lyuchjou shahrida yiliga 10 mingta sanoat gumanoid robotlarini ishlab chiqarish quvvatiga ega avtomatlashtirilgan korxonani ishga tushirdi.
Xitoy Xalq Respublikasining Guansi-Chjuan avtonom hududida joylashgan zavod «robotlar robotlarni ishlab chiqaradi» konsepsiyasi asosida ishlaydi va sanoat gumanoid robototexnikasi segmentida bunday ko‘lamdagi dunyodagi birinchi korxona hisoblanadi.
Loyihaning texnologik hamkori sifatida Siemens kompaniyasining bo‘linmasi ishtirok etdi. Germaniya konserni korxonada ta’minot zanjirlarini, komponentlarni aniq yig‘ish va yuqori chastotali logistikani muvofiqlashtiruvchi ishlab chiqarishni boshqarish raqamli platformasini ishlab chiqishga yordam berdi.
Konveyerning hisoblangan ishlash sur’ati har 10 daqiqada bitta robot ishlab chiqarish imkonini beradi. Zavodda Walker S seriyasidagi sanoat modellari, shuningdek, Cruzr servis robotlarini ishlab chiqarish yo‘lga qo‘yilgan.
Mahsulotlar Lyuchjoudagi mahalliy sanoat va og‘ir mashinasozlikni modernizasiya qilish, shuningdek, Xitoy ichki bozoriga va ASEAN mamlakatlariga eksport qilish uchun mo‘ljallangan.
"SI shu o‘n yillik oxiriga kelib barchamizni o‘ldirishi mumkin"
AQSh Eronda qulagan F-15E uchuvchilarini evakuasiya qilish operasiyasi kadrlarini maxfiylikdan chiqardi
Boshlang‘ich sinf qizlari uchun hijobni taqishni taqiqlash taklif qilinmoqda
