Kuchli yomg‘ir va daryolarning yuqori oqimidan kuchli suv oqimi Xitoyning Guychjou provinsiyasining ikki tumanida suv toshqini keltirib chiqardi. Aholini evakuasiya qilishga to‘g‘ri keldi, deya xabar beradi Sinxua.
Seshanba kuni Guychjou provinsiyasining Junszyan va Sunszyan tumanlarida suv toshqini tufayli 48,9 mingga yaqin va 32 ming kishi evakuasiya qilindi. Har ikki hududda ogohlantirish darajasi eng yuqori darajaga ko‘tarildi.
Dushanba kuni kechqurun Junszyanda kuchli yomg‘ir boshlandi. Seshanba kuni tushdan keyin daryo xavfli chegaradan 6,68 metr oshib ketdi. «Sunchao» turniri bilan mashhur futbol maydonini suv bosish chuqurligi taxminan uch metrga yetdi.
O‘t o‘chiruvchilar va ko‘ngillilar jabrlangan hududlarga yordam ko‘rsatish ustida ishlamoqda. Viloyat departamenti har ikki tumanga 30 ming shisha suv va 10 ming paketdan ortiq tez tayyorlanadigan lapsha jo‘natdi.
Sandu tumanida kuchli yomg‘ir tufayli avtomobil yo‘li ko‘prigining bir qismi qulab tushdi. Qurbonlar haqida ma’lumot berilmagan.
Isroil Eron bilan urush tugaganini rasman e’lon qildi
Eron butun Isroil bo‘ylab zarbalar berdi — Islom inqilobi qo‘riqchilari korpusi
Xitoy Rossiyadan keyin Eron tomoniga o‘tdi
