South China Morning Post nashrining xabar berishicha, Xitoyning yetakchi robot ishlab chiqaruvchilaridan biri UBTech Robotics kompaniyasi Xitoy va Vyetnam o‘rtasidagi chegara punktlariga o‘zining odamsimon robotlarini joylashtiradi.
"UBTech Robotics 37 million dollarlik shartnoma imzolagan. Unga ko‘ra, robotlar Xitoyning Vyetnam bilan chegaradosh bo‘lgan Guansi avtonom tumanidagi Fanchengan shahrida joylashtiriladi. Loyihada Walker S2 modelidan foydalanish nazarda tutilgan. U dunyoda batareyasini mustaqil ravishda almashtira oladigan birinchi odamsimon robot sifatida taqdim etilgan. Odamsimon robotlar sayohatchilarga hamrohlik qiladi, ko‘rikdan o‘tkazadi, hududni patrullaydi va logistika vazifalarini bajaradi", deya yozmoqda nashr.
Kompaniya yil oxirigacha 500 ta robot yetkazib berishni, kelgusi yili ishlab chiqarish hajmini o‘n barobar oshirishni va 2027 yilga borib yiliga 10 000 ta robot ishlab chiqarishni rejalashtirmoqda.
O‘zbekiston bo‘ylab sovuq antisiklon va inversiya uzoqroq davom etadi
Toshkent viloyati va Toshkent shahrida "erfurushlar" qo‘lga tushdi
KIA avtosaloni xodimi mijozni kaltakladi (video)
