Osiyo O‘yinlarining boks musobaqasidan bugunga belgilangan kunduzgi janglar o‘tkazilmoqda. Ayni paytgacha ikki vatandoshimiz o‘z janglarini o‘tkazdi.
Ayollar o‘rtasidagi 50 kg. vazn toifasida Sabina Boboqulova chorak finalda amaldagi jahon chempioni xitoylik Vu Yuga qarshi ringga ko‘tarilib, imkoniyatni boy berdi (0:5).
57 kg. vaznda bokschimiz Sitora Turdibekova esa pokistonlik Fotima Zahroga qarshi jang olib borib, ishonchli tarzda g‘alaba qozondi — 5:0 (30:25, 30:25, 30:25, 30:27, 30:27). Sitora chorak finalda hindistonlik Parvinga qarshi jang qiladi.
