Avval xabar berganimizdek, 12-15 may kunlari Rossiya Federasiyasining Sankt-Peterburg shahrida bo‘lib o‘tgan XVIII xalqaro futbol turnirida Mehribonlik uylarining 11-12 yoshli tarbiyalanuvchilaridan tashkil topgan O‘zbekiston terma jamoasi ishtirok etib, musobaqaning mutlaq g‘olibligini qo‘lga kiritgan edi.
Bugun Xalqaro aeroportda g‘oliblar tantanali kutib olindi. Shundan so‘ng Xalq ta’limi vazirligida vazir va g‘olib o‘quvchilarning uchrashuvi o‘tkazilib, esdalik sovg‘alari topshirildi.
