Ijtimoiy tarmoqda Jizzax viloyati Zomin tumanidagi banklardan birining boshqaruvchisi o‘z xodimini otib qo‘ygani haqida xabarlar tarqaldi. Holatga viloyat IIB rasmiy munosabat bildirdi.
Ma’lum bo‘lishicha, 16 sentyabr kuni soat 22:30 larda Zomin tumani “Taraqqiyot” MFYda yashovchi “Xalq banki” Zomin filiali boshqaruvchisi N.M. yashash xonadoni oldida “Xalq banki” Zomin filialida bo‘lim boshlig‘i vazifasida ishlovchi, spirtli ichimlik ta’sirida bo‘lgan N.J. bilan o‘zaro tortishib janjallashgan. Oqibatda bank boshqaruvchisi N.M. sport (tir) qurolidan bir marotaba otib, N.J.ga tan jarohati yetkazgan.
Shundan so‘ng N.J. ko‘krak qafasining chap yon qismi yuza jarohati tashxisi bilan shifoxonaga yotqizilgan.
Tergovga qadar tekshiruv harakatlari Zomin tumani IIB huzuridagi tergov bo‘limi tomonidan olib borilmoqda.
