Vinisius "Real"ga rahmat aytdi va klubdan ketishini e’lon qildi

Vinisius Tobias "Real"ni tark etadi.

Himoyachi ketma-ket ikki mavsum "Shaxtyor"dan ijaraga olingan va ikki mavsumni Madrid klubida o‘tkazgan. Marca xabariga ko‘ra, ispanlar 20 yoshli futbolchini 10 million yevroga sotib olish imkoniyatiga ega edilar, biroq mart oyidayoq uni faollashtirmaslikka qaror qilishgan.

Bugun futbolchi "Real Madrid"ni tark etishini e’lon qildi va klubga "bu futbolkani kiyish" imkoniyati uchun minnatdorchilik bildirdi.

U Madridning asosiy jamoasi uchun bitta o‘yin o‘tkazdi - 2024 yil 6 yanvarda Ispaniya kubogi doirasida "Arandina"ga qarshi. U "Kastilya" tarkibida 61 o‘yin o‘tkazib, 14 golga assistentlik qilgan.