Yojef Roja Vengriyaning O‘zbekistondagi favqulodda va muxtor elchisi lavozimiga tayinlandi. Bu haqda tashqi ishlar vaziri Baxtiyor Saidov o‘zining Telegram kanali orqali ma’lum qildi.
Qayd etilishicha, Baxtiyor Saidov Tashqi ishlar vazirligida elchining ishonch yorliqlari nusxalarini qabul qilib olgan.
“Hamkorligimizning asosiy ustuvor yo‘nalishlarini va yaqin istiqboldagi rejalarimizni muhokama qildik. Janob elchiga mamlakatimizdagi yangi diplomatik missiyasi davomida muvaffaqiyatlar tilaymiz”, — deb yozadi TIV rahbari.
