Vashingtonning iltimosiga binoan Shvesiyada Rossiya fuqarosi hibsga olindi

Shvesiya Xavfsizlik Polisiyasi (SEPO) Qo‘shma Shtatlar iltimosiga binoan Rossiya fuqarosini hibsga oldi.

Bu haqda mahalliy TV4 telekanali xabar bermoqda.

Xabarga ko‘ra, Rossiya fuqarosi Qo‘shma Shtatlarda sirtdan hibsga olinganidan keyin xalqaro qidiruvda bo‘lgan. Dekabr oyida u Stokgolmda SEPO xodimlari tomonidan hibsga olingan. Amerika rasmiylari uni 2022–2023 yillarda sanksiyalarni buzganlikda gumon qilmoqdalar va uni ekstradisiya qilishni so‘rashmoqda.

SEPO vakili Jonatan Svensson hibsga olish ordeni xalqaro ekanligini aytdi. Shvesiya boshqa davlatga jinoiy tergovda yordam berayotgani sababli, agentlik tafsilotlarni oshkor qilmayapti.

Stokgolm okrug sudi hibsga olingan shaxsni ekstradisiya to‘g‘risidagi qaror chiqarilgunga qadar hibsda saqlashni buyurdi. Yakuniy qaror Bosh prokuror, Oliy sud va Shvesiya hukumati tomonidan tasdiqlanishi kerak.