Vashingtondagi otishmada asosiy nishon Tramp emasmidi?

AQSh prezidenti Donald Tramp Vashingtondagi kechki ovqatda qurolli shaxsning nishoni u bo‘lganmi yoki yo‘qmi, amin emasligini aytdi.

Oq uy rahbari CBS News telekanaliga bergan intervyusida voqea haqida fikr bildirdi.

"Men uchun aniq aytish qiyin. Menda shunday taassurot qoldirdi. Uning yozganlariga asoslanib, bu yigit ko‘p narsalarni boshdan kechirgan. U, ehtimol, juda kasal odam edi", dedi Tramp prezident otishmachining bevosita nishoni bo‘lganmi, degan savolga.

Prezident shuningdek, Maxfiy xizmatning harakatlarini yuqori baholadi.

"Ular uni juda tez qo‘lga olishdi. Bu yigitlar kecha kechqurun ajoyib ish qilishdi; ular haqiqatan ham ajoyib ish qilishdi", deb ta’kidladi prezident.

Avvalroq, The Washington Post gazetasi Oq uy manbasiga tayanib, prezident ma’muriyati ushbu tadbirda yuqori lavozimli hukumat amaldorlari ishtirokidagi boshqa tadbirlarga nisbatan "past darajadagi xavfsizlikni" ta’minlaganini va shu bilan "mamlakatni juda zaif holatga keltirganini" da’vo qilgan edi.