O‘zganing rasmlari, videolari va boshqa shaxsiy ma’lumotlarini tarqatib yubormaslik evaziga jabrlanuvchidan pul talab qilganlik uchun qanday javobgarlik belgilangan?
——
O‘zbekiston Respublikasi Jinoyat kodeksining 165-moddasi 1-qismiga muvofiq:
Tovlamachilik, ya’ni jabrlanuvchi yoki uning yaqin kishilariga zo‘rlik ishlatish, mulkka shikast yetkazish yoki uni nobud qilish yoxud jabrlanuvchi uchun sir saqlanishi lozim bo‘lgan ma’lumotlarni oshkor qilish bilan qo‘rqitib o‘zgadan mulkni yoki mulkiy huquqni topshirishni, mulkiy manfaatlar berishni yoxud mulkiy yo‘sindagi harakatlar sodir etishni talab qilish yoxud jabrlanuvchini o‘z mulki yoki mulkka bo‘lgan huquqini berishga majbur qiladigan sharoitga solib qo‘yish jinoyatini sodir etganlik uchun,
⛔️ uch yildan besh yilgacha ozodlikni cheklash yoxud uch yildan besh yilgacha ozodlikdan mahrum qilish jazosi belgilangan.
