Transport vazirligi delegasiyasi O‘zbekistonning Koreya Respublikasidagi elchixonasi vakillari hamrohligida Seul shahrida Koreya aviasiya ma’muriyati bilan muzokaralar o‘tkazdi.
Muzokaralar davomida O‘zbekiston bilan Koreya aviasiya hukumatlari o‘rtasidagi hamkorlikni rivojlantirish, tayinlangan aviakompaniyalar soni bo‘yicha cheklovni bekor qilish, ularga parvozlar uchun tegishli huquqlar berish, ikki davlat o‘rtasidagi aviaqatnovlar sonini oshirish hamda parvozlar geografiyasini kengaytirish masalalari muhokama qilindi.
Uchrashuvda ikki davlat o‘rtasidagi aviaqatnovlar Uzbekistan airways aviakompaniyasi, shuningdek, kelgusida O‘zbekiston tomonidan tashkil etilgan yangi rezident aviakompaniyalar (Qanot Sharq, My Freighter, Air Samarkand) tomonidan ham amalga oshirilishi ma’lum qilindi.
Ma’lumot uchun, ikki davlat aviasiya hukumatlari o‘rtasidagi oxirgi maslahatlashuvlar 2018 yilda o‘tkazilgan bo‘lib unga ko‘ra ikki mamlakat o‘rtasidagi aviaqatnovlar har bir tomon aviakompaniyalari uchun haftasiga 10 tadan etib belgilangan va har bir tomondan 2 tadan aviakompaniyalarga aviaqatnovlarni amalga oshirish huquqi berilgan.
Rossiya Britaniyaning “Storm Shadow” raketasini ham, AQShda ishlab chiqarilgan HIMARS reaktiv raketasini ham yo‘q qildi
Amerikalik rus askarini qanday qilib to‘xtatishni o‘ylab topdi
Britaniyada maktablar yopildi
