Bugun Jazoirning Oran shahrida qilichbozlikning sablya yo‘nalishi bo‘yicha kattalar o‘rtasidagi Jahon kubogi start oladi. Ayollar o‘rtasidagi bellashuvlarda O‘zbekiston terma jamoasi a’zosi Zaynab Dayibekova ham qatnashadi.
Hamyurtimiz saralangan 16 sportchi orasidan joy olgani uchun bugun guruhlarda o‘tadigan dastlabki bosqichni o‘tkazib yuboradi. Dayibekova ertaga 1/32 final bosqichidan bahslarga kirishadi.
