Sankt-Peterburgning Nevskiy tumanidagi qurilish maydonchasida sodir bo‘lgan baxtsiz hodisada ishchi og‘ir jarohat oldi. Bu haqda "78.ru"ga huquq-tartibot idoralaridagi manba xabar berdi.
Dastlabki ma’lumotlarga ko‘ra, bir kun avval soat 13:30 atrofida asli o‘zbekistonlik 25 yoshli yigit kiyim almashtirish xonasi zinasidan taxminan ikki metr balandlikdan yiqilib tushgan.
Jabrlanuvchi og‘ir ahvolda kasalxonaga yotqizilgan, u jonlantirish bo‘limida. Voqea sabablari o‘rganilmoqda.
