O‘zbekistondagi maktablarda qancha o‘qituvchi dars berayotgani ma’lum qilindi

O‘zbekistondagi maktablarda ta’lim berayotgan o‘qituvchilarning umumiy soni 2024/2025-o‘quv yili boshida 564,9 ming nafarni tashkil etgan. Bu haqda Statistika agentligi xabar berdi.

Ma’lum qilinishicha, ushbu ko‘rsatkich 2019/2020-o‘quv yili boshiga nisbatan solishtirilganda 78,3 ming nafarga oshgan.

Yillar kesimida umumiy o‘rta ta’lim tashkilotlarida ta’lim berayotgan o‘qituvchilar (o‘rindoshlarsiz) soni:

— 2019/2020-o‘quv yili boshiga 486,6 ming nafar;

— 2020/2021-o‘quv yili boshiga 508,2 ming nafar;

— 2021/2022-o‘quv yili boshiga 510,0 ming nafar;

— 2022/2023-o‘quv yili boshiga 521,6 ming nafar;

— 2023/2024-o‘quv yili boshiga 547,7 ming nafar;

— 2024/2025-o‘quv yili boshiga 564,9 ming nafar.

Ma’lumot uchun, 2024/2025 o‘quv yili boshiga faoliyat yuritayotgan umumta’lim muassasalari soni 10 943 tani tashkil etgan.