O‘zbekistonda yashirin iqtisod ulushi 32% ni tashkil qilmoqda

2025 yilning yanvar–mart oylari holatiga ko‘ra, mamlakat yalpi ichki mahsulotida kuzatilmaydigan (yashirin) iqtisodiy faoliyat ulushi 32% bo‘lgani ma’lum qilindi.

Buning 73% uy xo‘jaliklari va jismoniy shaxslar faoliyatiga to‘g‘ri keladi. Sohalar kesimida esa qishloq xo‘jaligida — 84%, qurilishda — 41% va xizmatlar sohasida — 36% ni tashkil etgan.

Yashirin iqtisod — bu davlat organlari tomonidan rasman qayd etilmaydigan, soliqdan yashiriladigan yoki rasmiy statistikada aks etmaydigan iqtisodiy faoliyat turlaridir.