Yangi federasiyaning asosiy maqsadi – milliy an’anaviy sport turlarini ommalashtirish va O‘zbekistonni global sport hamjamiyatiga chuqurroq integrasiya qilishdir.
O‘zbekistonda ilk bor tuya sporti va chovgan yo‘nalishlarini rivojlantirish uchun maxsus federasiya tashkil etildi. Buning doirasida davlat darajasida chavandoz sportchilarni tayyorlash, tuyalarni seleksiya qilish, shuningdek chovgan yo‘nalishini rivojlantirish bo‘yicha tizimli ish olib boriladi.
O‘zbekiston rasman Xalqaro Chovgan federasiyasi a’zosi sifatida tan olingan. Shu bilan birga, mamlakat sportchilariga xalqaro turnirlarda qatnashish imkonini ochib beruvchi Xalqaro Tuya sporti federasiyasiga a’zo bo‘lish bo‘yicha muzokaralar olib borilmoqda.
Federasiya milliy terma jamoani nufuzli xalqaro startlarga tayyorlash ishlarini yo‘lga qo‘ygan. Asosiy e’tibor 2025 yilda o‘tadigan Yoshlar Osiyo o‘yinlari va Islom hamjamiyati o‘yinlariga qaratilmoqda.
Shu bilan birga, mamlakat miqyosida milliy chempionatlar va festivallar tashkil etish, yoshlar o‘rtasida tuya sporti va chovganni keng targ‘ib qilish rejalashtirilgan. Federasiyaning mintaqaviy bo‘limlari ham tuziladi. Federasiyaga rahbarlik vazifasi esa Baxromjon G‘oziyevga topshirilgan.
Maktablarda 1 sentyabrdan smartfondan foydalanish taqiqlanadi
Terma jamoamizdan ketishi kutilayotgan Timur Kapadzega yangi ish tayyor!
Keyingi 5 yil ichida boshlanishi mumkin bo‘lgan 5 ta urush
