O‘zbekistonda dollarning rasmiy kursi 3 oy ichida birinchi marta pasaydi

Markaziy bank xorijiy valyutalarning so‘mga nisbatan yangi kurslarini e’lon qildi. Ushbu almashuv kurslari 27 oktyabr kunidan kuchga kiradi.

Unga ko‘ra, dollarning rasmiy kursi 11,88 so‘mga tushgan va bir dollar 10359,88 so‘mni tashkil qildi.

Evro kursi 132,15 so‘mga oshib, 12285,78 so‘mga teng bo‘ldi.

Rubl kursi esa 2,92 so‘mga ko‘tarilgan va 1 rubl 136,11 so‘mni tashkil etgan.

Qayd etish kerakki, dollar kursi so‘nggi bir necha oy ichida ilk marta pasayishi kuzatilmoqda.