Bukmekerlik faoliyatini amalga oshirish uchun lisenziya to‘lovi BHMning 500 baravari (hozirda 187,5 mln so‘m) miqdorida bo‘ladi. Lisenziya o‘zgartirilganda to‘lov shu qiymatning 50 foizini tashkil qiladi. Bundan tashqari bukmekerlik kompaniyasi o‘yin hajmidan tushgan pulning 0,1 foizini lisenziya beruvchi tashkilot hisobiga o‘tkazib turadi.
Bukmekerlik faoliyatini amalga oshiruvchi korxona ustav kapitali kamida BHMning 150 ming baravari (hozirda 56 mlrd 250 mln so‘m) miqdorida bo‘lishi kerak.
O‘yinlarda ishtirok etuvchilar uchun sarflash mumkin bo‘lgan mablag‘lar bo‘yicha limitlar joriy qilish ham ko‘zda tutilgan.
