Prezident Shavkat Mirziyoyevning Xitoyga davlat tashrifi doirasida O‘zbekiston va XXR tashqi ishlar vazirlari Baxtiyor Saidov va Sin Gan Sian shahrida ikki mamlakat tashqi siyosat idoralari o‘rtasida 2023-2024 yillarga mo‘ljallangan hamkorlik dasturini imzoladi.
«O‘zbekiston va Xitoy tashqi ishlar vazirliklari o‘rtasida 2023-2024 yillarga mo‘ljallangan hamkorlik dasturini imzoladik», - deb yozdi O‘zbekiston TIV rahbari o‘zining Telegram-kanalida.
Qayd etilishicha, ikki davlat tashqi siyosat idoralari barcha sohalarda strategik sheriklikni yanada mustahkamlash, shuningdek, mamlakatlar o‘rtasidagi faol va jadal almashinuvlarni rag‘batlantirish tarafdoridir.
Bundan oldin Xitoy o‘zbekistonliklarning mamlakatga kirish tartibini soddalashtirmoqchi ekani xabar qilingandi. Bu haqda O‘zbekiston va Xitoy rahbarlarining uchrashuvi yakunlari bo‘yicha qo‘shma bayonotda aytilgan.
«Tomonlar 2019 yilda Xitoy Xalq Respublikasi hukumati va O‘zbekiston Respublikasi hukumati o‘rtasida ishbilarmon doiralar vakillari uchun viza tartibini soddalashtirish to‘g‘risida imzolangan bitim ikki tomonlama munosabatlarni mustahkamlash, iqtisodiy, savdo va sarmoyaviy hamkorlik uchun keng istiqbollarni ochib berganini ta’kidladilar.
XXR Xitoy fuqarolari uchun O‘zbekistonga 10 kunlik vizasiz kirish rejimi bo‘yicha siyosatni yuqori baholaydi va O‘zbekiston fuqarolarining Xitoyga kirishini osonlashtirish choralarini ko‘rishga tayyor», — deyiladi hujjatda.
Germaniya va Shvesiya harbiy hamkorlikni kuchaytirmoqchi
Qodirov Estoniyaga raketa hujumlarini uyushtirishga chaqirmoqda
General Kuznetsovning uyidan son-sanoqsiz xazinalar topildi
