O‘zbekiston terma jamoasi noyabr oyida 2026 yilgi Jahon chempionati 3-saralash bosqichi doirasida Qatar va KXDR terma jamoalariga qarshi safar uchrashuvlarida ishtirok etadi. Osiyo futbol konfederasiyasi mazkur bahslarda ishlaydigan hakamlar haqida ma’lum qildi.
Qatar — O‘zbekiston uchrashuvida koreyalik hakamlar brigadasi faoliyat olib boradi. Bosh hakam — Kim Jongheok, unga qanotlarda yurtdoshlari Park Kyunyong va Jang Jongpil yordam beradi. To‘rtinchi rasmiy hakam — Chae Sangheop. VARda esa Kim Heegon faoliyat olib boradi.
Uchrashuv 14 noyabr Toshkent vaqti bilan 21:15 da "Jassim bin Hamad" stadionida start oladi.
KXDRga qarshi safar uchrashuvimiz Laos poytxati Ventyan shahrida o‘tkazilishidan xabaringiz bor. Mazkur o‘yinda kuvaytlik hakamlar brigadasi ishlaydi. Bosh hakam — Ali Ali Ahmad, unga yurtdoshlari Alanezi Abdulhadi va Abbos Ahmad yordam beradi. To‘rtinchi rasmiy hakam — Ammar Ashkanani. VARda esa Abulloh Jamali faoliyat olib boradi.
KXDR — O‘zbekiston uchrashuvi 19 noyabr Toshkent vaqti bilan 17:00 da "Lao" stadionida boshlanadi.
Ronaldu va Messidan ham 12 baravar boyroq futbolchi haqida eshitganmisiz?
2005 yilda tug‘ilgan braziliyalik qiz UFC bilan shartnoma imzoladi (FOTO)
O‘zbekiston milliy terma jamoasi futbolchisi “Manchester Siti”ga o‘tishi mumkin
