O‘zbekiston kimyochilari Mendeleev olimpiadasida 7 ta medal

Joriy yil 5-13-may kunlari Braziliyada tashkil etilgan 59-Xalqaro Mendeleev kimyo olimpiadasida rekord darajadagi ishtirokchilarni bir joyga to‘playdi, ya’ni dunyoning 40 davlatidan kelgan 192 nafar o‘quvchi 7 kun davomida olimpiadada kuch sinashdi.

Mazkur olimpiadada O‘zbekiston terma jamoasi yakuniy natijalarga ko‘ra, 3 ta oltin, 2 ta kumush, 2 ta bronza medalini qo‘lga kiritdi.

Ma’lumot o‘rnida ta’kidlash lozimki, 2024-yilda Xitoyda bo‘lib o‘tgan 58-Xalqaro Mendeleev olimpiadasida O‘zbekiston terma jamoasi 1 ta kumush, 4 ta bronza medaliga ega bo‘lgan edi.