O‘zbekiston haqida nomaqbul gapirgan chet elliklar mamlakatga kiritilmaydi

Ko‘plab muhokamalarga sabab bo‘lgan, O‘zbekiston haqida nomaqbul gapirgan chet elliklarga taqiq qo‘yishga oid qonun Senatda ma’qullandi.

Mazkur qonunga ko‘ra, chet el fuqarolari va fuqaroligi bo‘lmagan shaxslar O‘zbekistonning davlat suverenitetiga, hududiy yaxlitligiga va xavfsizligiga zid bo‘lgan; davlatlararo, ijtimoiy, milliy, irqiy hamda diniy adovatni keltirib chiqaruvchi; O‘zbekiston xalqining sha’nini, qadr-qimmatini yoki tarixini tahqirlovchi ommaviy chiqishlar qilish yoxud harakatlar sodir etish O‘zbekiston Respublikasida bo‘lishi nomaqbul deb topish uchun asos bo‘ladi.