“O‘zbekfilm”ning €22,9 mlnlik qarzi bor

Kinematografiya agentligi direktori Jahongir Ahmedov kinostudiyaning moliyaviy ahvoli haqida ma’lumot berdi. Uning aytishicha, kredit ta’minoti sifatida “O‘zbekfilm”ning mol-mulki, jumladan, yer maydonlari garovga qo‘yilgan. Studiyaning qariyb 1 mlrd so‘mdan ortiq soliq qarzi va xodimlar oldida ham qarzdorligi bor. Soliq qarzi sabab balansdagi 12 ta avtomobil 12 kun ichida auksionga chiqarilishi mumkin. Ahmedovning ta’kidlashicha, studiya moliyaviy barqaror bo‘lishi uchun yiliga kamida 60 mlrd so‘mlik buyurtma bajarishi kerak.