Usman Nurmagomedovning navbatdagi jangi haqida ma’lumot berildi

Engil vaznda amaldagi Bellator chempioni Usman Nurmagomedovning oktagonga qaytish muddati aytildi.

Katta ehtimol bilan rossiyalik chempionning himoya jangidagi raqibi irlandiyalik Pol Xyuz bo‘ladi. U da’vogarlar jangida amerikalik Ey Jey MakKini mag‘lubiyatga uchratgan edi. Nurmagomedov - MakKi jangi 2025 yilning yanvar oyiga mo‘ljallanmoqda. Bu ma’lumotni rossiyalik aralash yakkakurash ustasining vakili Shamil Zavurov ham tasdiqladi.

Eslatib o‘tamiz, shu yilning sentyabr oyida 26 yoshli Usman Nurmagomedov besh raund to‘liq davom etgan jangda hamyurti Aleksandr Shabliyni ochkolar hisobiga ko‘ra mag‘lubiyatga uchratib, o‘z kamarini muvaffaqiyatli himoya qilgan edi. 27 yoshli Pol Xyuz oktyabr oyida Ey Jey MakKini hakamlarning ayri qarori bilan taslim etib, o‘zining ketma-ket yettinchi g‘alabasini qo‘lga kiritgandi.