UNRWA G‘azoga kiritilayotgan yordam og‘ir sharoitlarda "pichan g‘aramidagi igna" kabi oz ekanligini aytmoqda

"Odamlar ochlikka mahkum etildi": UNRWA rahbari talonchiliklarni ko‘rish hayratlanarli emasligini ta’kidladi.

BMTning Falastin qochqinlari bo‘yicha agentligi (UNRWA) rahbari Filipp Lazzarini G‘azoga kiritilayotgan yordam og‘ir sharoitlarda "pichan g‘aramidagi igna" kabi oz ekanligini aytmoqda.

"#G‘azo aholisi 11 haftadan ortiq vaqt davomida ochlikka duchor etildi hamda suv va dori-darmonlardan mahrum qilindi. Ota-onalarning bolalari uchun oziq-ovqati tugadi. Keksalar dori-darmon yetishmasligi sababli vafot etdi," deya yozdi u X’dagi xabarida.

"Mazmunli va uzluksiz yordam oqimi hozirgi falokatning yanada chuqurlashishining oldini olishning yagona yo‘lidir," deya qo‘shimcha qildi Lazzarini.

Avval xabar berganimizdek, Jahon oziq-ovqat dasturi kecha tunda G‘azo janubida oziq-ovqat mahsulotlari ortilgan 15 ta yuk mashinasi talon-taroj qilinganini ma’lum qildi. "Ochlik, umidsizlik va oziq-ovqat yordamining kelishi yoki kelmasligi haqidagi xavotirlar xavfsizlikning yomonlashishiga sabab bo‘lmoqda," deyiladi BMT agentligi bayonotida.