Ukrainani qattiq qish kutmoqda: "Odamlar o‘z uylarida o‘lishadi"

Ukraina sovuq qish va atom elektr stansiyalariga qilingan hujumlarni hisobga olgan holda kuniga 20 soatgacha uzilishlarga duch kelishi mumkin, deb yozadi Politico energetika mutaxassislari fikriga tayanib.

Avgust oyining oxirida Rossiya energetika ob’ektlariga 200 dan ortiq raketa va dronlarni uchirdi, bu bilan Ukrainada elektr energiyasi ishlab chiqarish quvvatini 9 GVtdan ko‘proqga qisqartirdi, dedi Ukraina Strategik tadqiqotlar milliy instituti bosh ilmiy xodimi va energetika bozori bo‘yicha ekspert Gennadiy Ryabsev. Bu sakkizta elektr stansiyasi va 800 dan ortiq issiqlik ta’minoti ob’ektlarining yo‘qolishidir.

Ryabsevning so‘zlariga ko‘ra, Ukraina bu yil qishda duch kelishi mumkin bo‘lgan "eng real ssenariy" "sanoat va uy xo‘jaliklari uchun elektr energiyasini kuniga 8-14 soatga cheklash"ni o‘z ichiga oladi.

Kuchli sovuq va atom elektr ta’minoti tizimiga yangi zarbalar ta’sirida Ukraina kuniga 20 soatgacha elektr ta’minotida uzilishlarga duch kelishi mumkin, deydi Energetika tadqiqotlari markazi rahbari va Ukraina hukumatining energetika masalalari bo‘yicha maslahatchisi Aleksandr Xarchenko.

Amerikalik yuqori martabali amaldorning aytishicha, AQSh Ukrainada "juda qattiq qishni" kutmoqda: "Odamlar o‘z uylarida o‘lishadi, chunki Rossiya energetika infratuzilmasini vayron qilmoqda."