Ukrainaga ommaviy hujum uyushtirildi

Rossiya qo‘shinlari 16 oktyabrga o‘tar kechasi Ukraina hududiga 136 ta dron uchirdi, deb xabar berdi Ukraina Qurolli kuchlari havo kuchlari.

Mahalliy vaqt bilan soat 07:00 holatiga ko‘ra, havo hujumidan mudofaa kuchlari Sumi, Cherkas, Kirovograd, Ternopol, Xerson, Xarkov, Jitomir, Donetsk, Dnepropetrovsk, Nikolayev, Kiyev, Poltava, Chernigov va Chernovitskiy viloyatlari ustidan 51 ta dronni urib tushirgan. Elektron urush tizimlarining ishlashi natijasida Ukrainaning turli mintaqalarida yana 60 ta dron «mahalliy ravishda yo‘qolgan».

Ukraina Qurolli kuchlari xabarida aytilishicha, xabar e’lon qilingan paytda 20 dan ortiq dron hali ham Ukraina havo bo‘shlig‘ida bo‘lgan.

Ternopol viloyatida Rossiyaning sanoat ob’ektiga zarbasi natijasida yong‘in sodir bo‘ldi, dedi viloyat ma’muriyati rahbari Vyacheslav Negoda. Tez orada u o‘chirildi, jabrlanganlar va yaradorlar yo‘q.