Rossiyaning Ukrainaning energiya ta’minotiga bo‘lgan hujumlari, elektrga bo‘lgan talab sig‘imdan oshib ketganligi sababli, kuniga sakkiz-o‘n to‘rt soat davomida elektr tokining uzilishiga olib kelishi mumkin.
Ukraina bo‘ylab energiya tanqisligi odamlarni kuniga 14 soatgacha energiyasiz qoldirishi mumkin, degan xavotirlar bor. Mamlakat qishga tayyorgarlik ko‘rmoqda.
Butun urush davomida Rossiya doimiy ravishda mamlakatning energetika infratuzilmasini nishonga olib, zavodda hayotiy zarur jihozlarni ishlab chiqarishni sekinlashtirish hamda aholining ma’naviyatiga putur yetkazishga urinishgan.
Moskva birgina avgust oyi oxirida energetika infratuzilmasiga 200 dan ortiq uchuvchisiz uchoq va raketalarni yo‘naltirdi.
Ukraina parlamentining energetika xavfsizligi bo‘yicha quyi qo‘mitasiga rahbarlik qiluvchi mustaqil deputat Viktoriya Grib shunday dedi: «Vaziyat haqiqatda og‘ir va xalqaro hamkorlar bizga imkon qadar tezroq yordam ko‘rsatishiga umid qilaman. Men juda xavotirdaman».
AQSh rasmiylaridan biri Politico nashriga aytishicha, ular «juda qattiq qishni» kutmoqdalar, bu esa ko‘plab ukrainaliklar mamlakat energetikasiga qilingan hujumlar tufayli o‘z uylarida halok bo‘lishiga olib keladi.
Ukraina Milliy Strategik Tadqiqotlar Instituti bosh ilmiy xodimi Gennadiy Riabtsevning so‘zlariga ko‘ra, Rossiyaning Ukraina energetikasiga so‘nggi hujumi Ukrainaning elektr ishlab chiqarish quvvatini 9 gigavattdan ko‘proqqa qisqartirdi.
Riabstevning fikricha, butun qish davomida mamlakat energiya ta’minotini kuniga sakkiz-o‘n to‘rt soatgacha cheklashga to‘g‘ri keladi.
Ukraina qish fasliga kirayotgani sababli vaziyat xavfli, chunki harorat minus 10 darajadan past.
Britaniya rekord miqdordagi askarini yo‘qotdi
AQSh Ukrainaning Rossiya hujumini to‘xtata olmasligini e’lon qildi
G‘arb Rossiyaning Ukrainadagi g‘alaba yo‘lini e’lon qildi
