Ukraina va Moldova 2029 yilgacha YEI a’zosi bo‘lishi mumkin

Evrokomissiyada birinchi marta Ukraina va Moldovaning Yevropa Ittifoqiga qo‘shilishi mumkin bo‘lgan sana aytildi.

"Biz G‘arbiy Bolqon, Moldova va Ukraina mamlakatlari uchun islohotlarni tezlashtirishga yordam berish uchun qo‘shimcha vositalarni ishlab chiqdik. Bu vositalar mamlakatga qarab O‘sish rejasi va Ukraina rejasi deb ataladi. G‘arbiy Bolqon davlatlari, Moldova, shuningdek, Ukraina Yevrokomissiyaning navbatdagi mandati tugagunga qadar, 2029 yilda, YEI a’zosi bo‘lishlari uchun islohotlarni yakunlashi mumkin”, — dedi qo‘shnichilik va kengayish bo‘yicha Yevropa komissari Oliver Varxeli.