Ukraina qo‘shinlarining Bryansk viloyatiga kirib borishiga urinish to‘xtatildi

Bryansk viloyatining Klimovskiy tumanida Ukraina qo‘poruvchilik-razvedka guruhining Rossiya hududiga kirib borishga urinishi to‘xtatildi.

Bu haqda gubernator Aleksandr Bogomaz 21 avgust, chorshanba kuni o‘zining Telegram-kanalida ma’lum qildi.

«Jang paytida Rossiya FSBning Bryansk viloyatidagi kuchlari va Rossiya Federasiyasi Qurolli Kuchlari bo‘linmalari tomonidan yorib o‘tishga urinish oldi olindi. Dushman o‘qqa tutildi», — deyiladi gubernator bayonotida.

Mahalliy OAV ma’lumotlariga ko‘ra, ukrainalik harbiylar Zabrama qishlog‘i hududida Rossiya hududiga kirishga uringan. Endi Klimovskiy tumaniga kirish yo‘li nazorat punktlari tomonidan to‘sib qo‘yilgan.

Bogomazning so‘zlariga ko‘ra, hozirda to‘qnashuv joyida vaziyat barqarorlashgan va mintaqaviy tezkor shtab nazorati ostida.