Eron minglab jangarilarni, jumladan yamanlik husiylarni Suriyaga jalb qilmoqda. Husiylar Suriyaga Iroq orqali yetib kelishadi. Bu haqda isroillik jurnalistlar surgundagi suriyalik muxolifatga tayanib xabar bermoqda.
Jangarilar Suriyaning janubiy mintaqasiga, Isroil va Iordaniya chegarasiga yaqinroq yo‘l olishmoqda. U yerda ular Isroilga qarshi dronlardan foydalanish uchun pozisiyalar o‘rnatmoqdalar.
Bundan tashqari, Suriyadagi eronparast jangarilar G‘azo sektori namunasidagi yer osti tunnellari orqali Iordaniya hududiga qurol-yarog‘ tashimoqda. Iordaniyadan falastinlik guruhlarning jangarilari uchun qurol-yarog‘ yetkaziladi.
Suriya manbasining ta’kidlashicha, Eron ham rejimni beqarorlashtirish uchun Iordaniyaga qurol uzatmoqda.