Ukraina prezidenti Rossiyaning Kursk viloyatidagi operasiyadan ko‘zlangan maqsadni tushuntirdi

Zelenskiyning so‘zlariga ko‘ra, ushbu harbiy amaliyotning vazifalaridan biri profilaktik zarba berish hisoblanadi.

"Kursk viloyatiga hujum operasiyasi Ukrainaning harbiy bo‘linmalarini qurshovga tushib qolishini va Sumi shahrini bosib olinishini oldini olishga qaratilgandir. Ushbu harbiy harakat Rossiya jamiyatiga Putin uchun Ukrainaning hududlarini bosib olish yoki o‘z aholisini himoya qilishdan qaysi biri muhimroq ekanini ko‘rsatdi", — deya ta’kidladi Ukraina yetakchisi.

Shu bilan birga, Zelenskiy Kursk viloyatiga hujumdan maqsad Rossiya bilan muzokaralarda Kiyevning pozisiyasini mustahkamlash ekanligi haqidagi taxminlarni ham rad etdi.