Rossiyalik tergovchilar Krasnogorskdagi "Krokus siti xoll" konsert zalida sodir etilgan teraktni tergov qilishda yana uch davlat huquq-tartibot idoralaridan yordam so‘radi.
Bu haqda TASS o‘rganib chiqqan ish materiallarida aytilgan.
"Uchta xorijiy davlatning vakolatli organlariga huquqiy yordam so‘rab sakkizta so‘rov yuborildi, jinoyatning barcha holatlarini aniqlashga qaratilgan boshqa tergov va prosessual harakatlar amalga oshirildi", — deyiladi TASS ixtiyorida bo‘lgan hujjatlardan birida. Shuningdek, ish bo‘yicha 1,7 mingdan ortiq kishi jabrlanuvchi sifatida tan olingani va so‘roq qilingani, 800 dan ortiq kishi guvoh sifatida so‘roq qilingani qayd etilgan. 20 dan ortiq tintuv o‘tkazilib, jinoyat sodir etilgan joylar 65 dan ortiq ko‘rikdan o‘tkazildi, 650 dan ortiq turli sud-tibbiy ekspertiza tayinlandi.
Avvalroq Rossiya FSB Jamoatchilik bilan aloqalar markazi xabar qilganidek, "Krokus siti xoll"ga hujum qilgan terrorchilarning yana uchta sherigi Moskva, Yekaterinburg va Omskda, Dog‘istonda esa moliyalashtirishga bevosita aloqador bo‘lgan yana to‘rt nafar chet el fuqarosi qo‘lga olingan. Umuman olganda, FSB direktori Aleksandr Bortnikovning so‘zlariga ko‘ra, teraktga aloqador 20 dan ortiq kishi qo‘lga olingan.
Useyn Bolt, Krishtianu Ronaldu va tuyaqush o‘rtasidagi poygada kim g‘alaba qozonadi?
Ofiserlar ommaviy ravishda ishdan bo‘shamoqda
Isroil jiddiy xatoga yo‘l qo‘ydi
